賽馬會「開聲體」體育口述影像服務將於5月19日上演嘅港超聯爭標組第二輪賽事天水圍對傑志安排口述影像服務。 嚟到爭標組，場場都係決賽，傑志暫時仲係榜首，但上場輸左俾理文，俾東方龍獅追到同分，只係靠對賽成績壓住東方，所以話今場為爭標真係不容再失。而排第三嘅天水圍飛馬上場大敗俾東方龍獅4:0，可唔可以保住下屆亞協杯參賽資格就睇今場喇。 相信兩隊都有明確嘅搶分目標，今場必定係打甩髀！《賽前有睇頭》為大家入場睇波前做足準備，簡單介紹兩隊值得留意嘅球員，到時就可以聽住德能同大頭兩位評述員嘅聲音欣賞比賽喇!