亞協杯同我地嘅關係就更密切喇，事關今屆嘅J組賽事就正正響香港舉辦，呢組有香港兩隊代表東方龍獅及理文，同埋來自蒙古嘅220體育會以及台灣嘅台南市台灣鋼鐵。

東方龍獅同理文大家都好熟悉喇，東方陣容有所調整，教頭亦都由堅sir 變左盧比度，而理文陣容就無太大變化，睇落仲幾完整。至於兩隊外隊，所知不多，不過都係所屬地方嘅聯賽冠軍，咁神秘，話唔定有驚喜。

同大家預告，賽馬會「開聲體」體育口述影像服務將於6月26日晚上8點於將軍澳運動場上演嘅理文對台南台灣鋼鐵嘅賽事安排口述影像服務，歡迎大家一齊入場睇，或者收聽網台直播。 其餘同兩隊香港球會相關嘅賽事都會由NOW TV 633 台播映，大家記得支持喇！

#賽馬會開聲體體育口述影像服務 #視障人士 #口述影像 #東方龍獅 #理文 #亞協杯 #本地足球 #本地波