本地球會傑志代表香港出戰亞洲球會級別最高水平嘅比賽-亞洲聯賽冠軍杯。我地收到震撼消息，港台電視31台將會直播四場傑志嘅亞冠賽事 (希望唔止四場)，除左一定有廣東話評述之外，第二聲道更加邀請我地賽馬會「開聲體」體育口述影像服務提供體育口述影像服務。協進會好榮幸得到港台的支持及信任，各位視障球迷或者係對口述影像有興趣嘅球迷們，歡迎大家到時轉去第二聲道支持我哋。

除左收睇港台電視嘅直播之外，為咗令大家對賽事有更深入嘅認識，我地「開聲體」製作咗8集特備聲音節目「開聲體真啲-亞冠特別版」，請到唔同嘅嘉賓同大家做個賽前備戰，齊齊傾下傑志、傾下對手、再延伸去到唔同嘅亞洲聯賽，等大家開波果時，更加能夠知己知彼，一齊預祝定傑志做到百戰百勝。大家只要去到網台呢度，或者係我地嘅YouTube Channel:https://youtube.com/channel/UCNd6HQGJ--kPgCiQ8P1QKnQ

此外我地仲會推出球迷聚會節目，同大家了解其他我地精選嘅亞冠賽事，由第一分鐘開始同大家追蹤比賽直到完場，希望睇唔到畫面直播嘅朋友，都可以第一時間緊貼呢個亞洲最高水平嘅足球比賽啦。

亞冠J組 賽程

4月16日 晚上7:00   傑志 對 清萊聯

4月19日 晚上7:00   神戶勝利船 對 傑志

4月28日 晚上10:00 清萊聯 對 傑志（開賽時間更新）

5月1日   晚上7:00   傑志 對 神戶勝利船